خبز الدار من مطبخي

السلام عليكم وش راكم ان شاء الله تكونوا انتيك و بشب
اليوم جبتلكم خبز الدار من مطبخي ان شاء الله يعجبكم
نبدا على براكة الله
مقادير
1كلغ سميد
1كلغ فرينة (دقيق)
2ملعقة كبيرة خميرة خبز
2 ملعقة صغيرة ملح
2ملعقة كبيرة سكر
قليل من السينوج (حبة البركة)
1كاس زيت
4ملاعق كبيرة حليب غبرة (غير سائل)
التزيين
بيضة
جلجلان (سمسم)
طريقة التحضير
في إناء نضع كل المقادير المذكورة نخلط جميع المقادير الجافة من بعد نضع كاس تاع الزيت ندخلو الزيت كامل ومن بعد نضع الماء تدريجيا حتى نتحصل على عجينة طرية
نعجن العجينة جيدا ثم نتركا ترتاح لمدة ساعة او ساعتين
وبعد ماخليناها ترتاح نأخذ مول (قالب تاع خبز)
ندهنوه بالزيت ونضع العجينة على شكل وردات وندعها ترتاح مر اخرى مدة ساعة
او نصف ساعة في مكان ساخن
وفي الاخير ندهنا بالبيض وقليل من اقهوة والحليب ومن بعد جلجلان







ان شاء الله نكون وفقت في الشرح لم اصور المراحل كاملة ان شاء الله تكونوا فهمتوني
ان شاء الله يعجبكم